تأخرت حبيبتي ... فسامحيني

عذرا .... لكنهم قالوا لي لا عذر لك

إذن ذنبا .... لكن آخرون قالوا لا ذنب لك

فقلت جهادا .... فقالوا ليس الجهاد الآن لك

فلم أجد إلا دمعا .... فقالوا البكاء ليس لهم بل لك

فذهبت يأسا .... فقابلوني و قالوا اليأس من عندك

فوجدت كتبا .... فأخبروني تاريخا مضى لعله ينفعك

تعددت طرقا .... فوجدتهم حولي قالوا هذا مصيرك

لكن عقلا باطنا داخلي

صاح قائلا ..... ويحكم !! أخرتموني

فقالوا لا ..... بل أنت فعلت

فرجوت سماحا ....... غزة حبيبتي ! انحني لك

هذه مشاعر تجمعت لدي في أثناء أحداث حصار غزة و كان لدي غيرها ... لكني سأصوغها في خطوات عملية أعتقد أن هذا سيباركه الله _ تبارك و تعالى ان شاء الله_ أكثر من أن تكون مجرد مشاعر ثائرة في وجه الظلم

بصوا بأه يا جماعة أنا و الله اللي أخرني في الكتابة مش الامتحانات و لا اني كنت مشغولة ... أنا مينفعش اني انشغل عن الامة اساسا .... بس كنت بفكر بجدية ايه ممكن

نعمله ؟!!! و ده لتلات أسباب

* ان القضية .. مش صغيرة ولا بسيطة

* ان القضية بتتكرر .. يعني لازم نفكر في حلول جديدة

* ان حضاراتكم .. وقتكم غالي فلا يصح أبدا لي اني اضيعه في كلام عادي او غير مفيد

خلونا قبل ما اتكلم نتفق على 3 حاجات :-

* الله يكرمكم يا جماعة مجرد ما تقتنعوا بالكلام اللي مكتوب نبدأ في التنفيذ فورا

* من لديه إضافة جديدة فليفيض علينا من خيره

* فليعلم منكم الحاضر الغائب .. بجد يا جماعة مش مهم مين اللي كاتب و لا مين اللي قال .. بس وصل الكلام على قد ما تقدر

نكلم بأه ....... اسمع لسان أحدكم يقول كل ده و لسه مكلمتيش .. ( شكرا يا فندم ) هذا لساني أنا .. ههههه

أنا لما فكرت لقيت 3 محاور للتعامل مع هذه القضية :-

المحور الأول :- حلول قصيرة المدى

المحور الثاني :- حلول طويلة المدى

المحور الثالث :- حلول محفزة

و على فكرة الترتيب ليس بالأهمية

و هبدأ بالمحور الثالث .......... الحلول الحفزة

حضرتك لديك عقلين ...... يعني غلبت أحمد زويل .. !!!!

عندك عقل واعي ، و عقل لا واعي .. باطن

اللي بيتحكم في تصرفاتك هو العقل اللاواعي يعطي الأوامر للواعي فتفعل ما يأمرك به

بس مين أصلا بأه بيبرمج اللاواعي ؟؟ ..... سؤال يطرح نفسه

لو في إيدك قلم ..... اكتب دلوقتي أي كلمة

لونها ايه ( ازرق - احمر - اخضر - ......... الخ ) ده لأن القلم أجبرك على اللون اللي فيه ..... بس مين ملأ الأنبوبة .... حضرتك

إذن حضرتك اللي بتبرمج عقلك الباطن

يعني ... دلوقتي هنكتفي بقناعتين لازم اديهم لعقلي الباطن

" إن تكونوا تألمون فإنهم يألمون كما تألمون و ترجون من الله ما لا يرجون "

" و تلك الأيام نداولها بين الناس "

في برده لسان دلوقتي بيقول .......... ايه !!!! انتي بتكلمي في ايه .. طبعا انا حافظ الايات دي و بحبها جدا

" سيدي أو سيدتي .. محتاجين يتحولوا لقناعة يعني تبقى بتتحرك بيهم و بتتصرف بيهم " ده لساني على فكرة

مؤقتا للوصول لده : قولهم لنفسك كتير بصوت عالي و بصوت منخفض و قبل ما تنام استرخي عشر دقائق و قولهم لنفسك حتى لو التفسير

لأن برمجة العقل اللاواعي يطول شرحه بس أكيد هقوله فيما بعد ان شاء الله

كده عقل لا واعي شغااااااااااااااااااااااال ........ هيجي دور الواعي

المحور الأول :- الحلول القصيرة المدى

* الدعاء * التبرع

* المقاطعة * نشر القضية

الحلول دي يا اخوانا غاية في الخطورة و سريعة النتائج جدا

و من هنا تأتي دعوة نتفق عليها و ننشر الاتفاق ده على مدوناتنا و نبلغه لكل اللي نعرفه

مقاطعة شهر لكل البضائع الأمريكية و اليهودية .... شهر متواصل

والله يا جماعة هنلاقي نتائج عجيبة .. بس نستمر و نبلغ

المحور الثاني :- الحلول الطويلة المدى

و إذا كانت اللي فاتت سريعة النتائج فدي بأه بطئية النتائج .. هههههه !!! أقصد قوية النتائج و لا تختفي الا بمرور نفس الوقت اللي حصلت فيه و أرى برده مؤقتا ....... كل واحد يبدأ بنفسه 10 دقائق ركز انت متميز في ايه و ابدأ ضيفه لمن حولك أولا ثم وسع الدائرة

على فكرة ... الحل ده لسه مخلصش .. بس مبدأيا نركز في الخطوة دي و هكمل ان شاء الله في التدوينات الجاية

كلمة للمدونين و المدونات

أحبتي في الله

احنا كمان محتاجين نركز كل واحد قيمة يضيفها للمجتمع عن طريق مدونته

و لا مانع برده من الخواطر .... كمان للنهضة التزامات فكل تدوينة تنزلها اجتهد ان تضع فيها واجب عملي

بجد يا جماعة اقبل جدا ... الاقتراحات و النصائح و التعليقات و النقد بأي أسلوب .... مش مشكلة

و اذكر نفسي و إياكم

كده احنا قولنا

عقلين ، 3 محاور ، و محور رابع للمدونين و المدونات

و جزاكم الله خيرا

اللهم استخدمنا و لا تستبدلنا

اللهم أعزنا بالإسلام و أعز الإسلام بنا

على السريع كده

كل عام و أنتم إلى الله أقرب

و على طاعته أدوم

و إلى الجنة أقرب

و عن النار أبعد

و إلى لقاء قريب ان شاء الله

و يأتي من جديد

كنت ناوية اني مادونش حاجة خالص تاني لغاية اجازة نصف العام ...... يعني عشان المذاكرة و الامتحانات ... بس عارفين و انا راجعة انهارده من الكلية في السوبر جيت سمعت كلمة من احد الركاب الاعزاء بيقول : " أنا و الله مش فاهم ايه سنة 2007 دي يا عم دي سنة ملهاش لازمة كده تحس انها كانت فاصل بين 2006 و 2008 "
خلوني يا جماعة اتكلم معاكوا بصراحة شوية .......
انا الحقيقة مش هتكلم عن حصاد 2007 و لا عن ملف 2007 و لا عن ارشيف 2007 متهيأ لي حفظناه بس خلوني اذكر معاكم كام موقف كده ...... و بعد كده لازم يا جماعة نتكلم في السنة الجديدة شوية
و الآن مع اول الأحداث :

*تفوق ايران الاقتصادي و السياسي و النووي ...... بجد انا فخورة اوي اكيد انتوا كمان حاسين بده
*نيكولاس ساركوزي بدلا من شيراك ....... انا جيت على وش الدنيا دي من 19 سنة كل الر}ساء اللي اعرفهم اتغيروا إلا ....................................
*الرهبان البوذيون يشاركون في مظاهرات في اليابان لارتفاع الأسعار ...... اعتقد نحن اولى بعدم فصل الدين عن الحياة و على رأي المثل " معا نصلح الدنيا بالدين "
طبعا دا مش مثل
صورة فريدة من نوعها شفتها في التليفزيون و بحثت عنها كتير في النت للاسف ملقتهاش بس اوعدكم اول ما الاقيها هنزلها ان شاء *الله .................
المهم الصورة فيها :_
ربنا يصونه !!! جورج بوش ماشي في النص على يمينه اولمرت و على شماله محمود عباس و ذلك لأجل مزيد من السلام ............!!!!!!!!!!!!
مبقاش الا جورج بوش كمان ...... و طبعا هوه معملش كده الا بعد ما اتغاظ من حبيب الشعبين الفلسطيني و الاسرائيلي ..." شعبان عبد الرحيم

انتوا عارفين يا جماعة قضية فلسطين دي محتاجة ناس كده ... !!!!
هم أولى بالحق و الحق أولى بهم
على رأي عزيز لدينا
*قضية المحاكمة العسكرية لل 40 من نبلاء الوطن من الاخوان المسلمين ..... بصوا يا جماعة هيه الحياة كده ..كده هيفضل فيها هذه الاحداث .. احداث التضحية و الصبر و الثبات لانها احد ملامح هذه الامة الى يوم القيامة بس خلي بالكم " و لن يتركم أعمالكم "


و الآن إليكم هذه ال ............................

بصوا يا جماعة انا مش بقول ان فلسطين هتتحرر في سنة 2008 بس المطلوب في ذلك العام ان يتواجد بكثرة اشخاص زي دول ... طبعا مش فاهمين قصدي ......
و انا بعمل سيرش على النت لقيت كل موديلات العربيات دي نازلة السنة دي فتخيلت ان يا سلام لو في كل الاشخاص دي بكثرة و انتشار في المجتمع محتاجين التنوع ده و الثبات ده


صدقوني يا جماعة لو علاقة الأهلي و الزمالك اتصلحت يبقى خلاص ... يا اخوانا الدنيا حلوة
دي كانت صورة لقتها و عجبتني
حقيقي يا جماعة محتاجين

أشخاص تهتم بالمجتمع *
أشخاص تهتم بالعاطفة *
*أشخاص تهتم بالدعوة
*أشخاص عاقلة تحب تستشيرها في المواقف الصعبة
أشخاص HUMMER *تتحمل الصعاب

دول الحمد لله موجودين ..... بس محتاجين ينتشروا اكتر ... محتاجين يوصلوا أكتر

و الآن إذا قرروا التواجد و الانتشار فيمكننا ان نقول
I am sure U can , so Gooo On
Oops! نسيت أقولكم
U will need this for running

كيف حدث ذلك

عندما رأيته لأول مرة لم أكن أدري لأني سوف أكون في هذه الحالة التي أنا عليها الآن لكني تأثرت به من أول رؤية له شعرت و قتها بتوتر و مشاعر تنساب من قلبي لم استطع ان اوقفها يا إلاهي ما هذا !!!!؟؟؟

كم كانت صعبة هذه اللحظات لكني في الوقت نفسه كنت مستمتعة بذلك اشعر و كأني اطير

لم اكن اعرف انه سيؤثر في حياتي كل هذا التأثير ، لم اكن ادري انه سيكون محركا لي لفترة من الزمن

هل كان يقصد ذلك ام انه لقوته يفعل ذلك دون قصد

لا أدري ... ...... ......................

لكن كل ما اعلمه اني احبه كثيرا

اتعلمون رأيته منذ حوالي 5 اعوام و مازلت حتى الآن اذكره بنفس الملامح ونفس الصوت و نفس التأثير

اعرف ان منكم من الممكن ان يكون قابله و لكن هل تأثر نفس التأثر

هذا التأثر الذي دفعني ان اكتب اليكم اليوم

دعوني اترككم معه قليلا لترون ذلك بأنفسكم

نعم اراه قد اثر

و لكن هو ليس قويا و انما هي قوة الخالق تبارك و تعالى الذي ما ان يريد بعبد خيرا حتى يهديه

و لكن ليس العجب من ملك يهدي عبده

و لكن ...............................

العجب كل العجب من ملك يهدي عبده بالطريقة التي يحبها عبده !!!!!!!!!!!!!!!!!!!!؟؟؟؟؟

هنبدأ أخيرا الحمد لله

ياااه من زمان و انا برتب لموضوع المدونة ده يعني من 8 شهور تقريبا مش مهم دلوقتي عملتها ازاي و ليه و مين ساعدني. بعدين، نقطة
من اول السطر الجاي
السلام عليكم و رحمة الله و بركاته
ممكن تكون بداية تقليدية بس انا بحبها جدا و انتم كمان تستحقوها
انتوا اكيد حاسين بكثرة المدونات الحالية بس ان شاء الله يا رب تكون حاجة مختلفة
بالرغم اني اطلعت على بعض المدونات و حاولت اني اعمل جمع معلومات على قد ما اقدر عشان اكون في افضل صورة ممكنة فسيرى الله عملكم و رسوله و المؤمنون
لكن _ نفس النقطة اللي فاتت
لن .. و لن .. و لن
استغنى عن اقتراحاتكم و تعليقاتكم ، و نصحيتكم فعلا انا محتاجها
بس احنا لازم نجرب




عموما انا مش حاسة اني اقول دلوقتي هنتكلم في ايه ان شاء الله
و واخدة بالي برده ان ده وقت امتحانات عشان كده لن اطيل عليكم و لا هاشغل بالكم بقضايا كبيرة ... غير
ان احنا ان شاء الله نذاكر بطموح عالي.. بجد والله
طموح امة محمد صلى الله عليه و سلم
اعاننا الله و دبر لنا امورنا