كنت بقرأ كتاب من كام 
يوم " إلى شباب الإسلام خطوات على الطريق" لأستاذ" مصطفى مشهور" .......و
يوم " إلى شباب الإسلام خطوات على الطريق" لأستاذ" مصطفى مشهور" .......وعجبني منه كذا حاجة بس مش هقولهم دلوقتي ........ يعني هيطلعوا كده على مستوى التدوينات إن شاء الله
بعد ما قرأت لقيت نفسي بقول : خلاص .... لازم نبدأ
طبعا منكم دلوقتي نوعين :-
* حد مش فاهم أي حاجة .. نبدأ ايه و نعمل ايه
* و حد بيقول : آآآآآآآآه نبدأ يعني نعمل بأه لإصلاح الأمة و نعمل لمشروعنا الإسلامي ..... يعني الكلام ده
بس فعلا أنا مقصدتش الكلام ده خالص
أقصد أني سأعرض عليكم سؤال .. مش هقول إنه صعب .. لكنه مهم ....... في وجهة نظري
لو يا جماعة إحنا صادقين مع ربنا - تبارك و تعالى - و صادقين مع أنفسنا و صادقين مع مصر لما بنقولها :
يبقى لازم نبدأ !!!!!!!!!!!!!1
س .. سؤال - اعتبروا إني بقولها بصوت عالي - ههه
ما هي القيمة التي ترى أننا في أحوج ما نكون إليها الآن .. أو لنقل
في هذا العام بحيث لو انتقلنا إن شاء الله للعام الجديد و لم ننجز غير
احتراف هذه القيمة يبقى ده إنجاز ...... و كده تمام
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ملحوظة بأه : -
القيم رتبها علماء الدين و الاجتماع و النفس بأولويات معينة .. لو هنضيفها لإنسان معندوش تجارب في الحياة أو لطفل
لكن لما حضرتك تيجي تفكر ..... فكر بالأولويات اللي محتاجها مجتمعنا دلوقتي
طلب لو سمحتم :-
سرعة توصيل السؤال ده للي تعرفوهم .. مش لازم يدخلوا هنا و يكتبوا .. كمان دوروا على عقليات مختلفة حتى لو مش متدينين ..... بس حضراتكم تجيبوا كل الإجابات اللي تقدروا عليها ..... و يا سلام لو سألتوا ناس خبرة ... يبقى كده تمام
إشارة كده !!!1
على فكرة يا جماعة الشعر اللي في البوست اللي فات ده أول تجربة شعرية ليه .... يعني حاجة كده على قدي
الله يكرمكم يا جماعة متنسوش الإجابات.....
أعزكم الله جميعا
%5B1%5D.jpg)
28 comments:
كلام واقعي وجميل
لكن الأهم هو تحديد الهدف المطلوب العمل من أجله
دمت بخير
صاحب المضيفة
جزاكم الله خيرا .. بس هل دي القيمة اللي حضرتك شايف اننا محتاجين نضيفها و لا حضرتك مش فاهم ما اقصد في البوست
لو حضرتك مش فاهم .. فأنا اقصد اننا لو اردنا ان نري الله الاصلاح بجد يبقى احد وسائل هذا الاصلاح ان نبدأ في اضافة قيم لانفسنا و لمن حولنا و لمجتمعاتنا
فما قصدته هي ايه اهم قيمة احنا محتاجنها دلوقتي لنبدأ بها
كلامك حلو اوي بس يمكن يكون مستحيل مش عارف
أخت نور ... بصي
أولا القيمة الأولى التي لها الأولوية القصوى في تقديري هي الإرادة و تحفيزها بشكل يجعلك تسعي وراء الأسباب دون إنتظار النتائج
فعل الصواب دون إنتظار المقابل أو المكافأة
قمة الإخلاص و الإيمان و الصبر ايضا يتجلى في ذلك
وهما الثلاث عناصر وراء أي نهضة مستقبلية
بالتوفيق
سلام
السلام عليكم
أنا رأي أننا نريد شيء اخر .. مش عارف انا كلامي صح ولا غلط .. عايزين نعمل تغير لثقافات .. وده يتطلب كذا قيمة وليست قيمه واحدة .. بس لو هدي قيمه واحدة هسميها .. قيمة احقاق الحق .. احقاق الحق امام نفسك وامام الله واما اسرتك والناس .. من الممكن ان تكون ترى الحق .. لكن انت تتجاهله .. احنا عايزين الناس تحقه وتظهره وتطالب بيه .. جزاكم الله خير
القيمة هي : الصدق
ضيوف المدونة الأعزاء
طبعا منورين
و جزاكم الله خيرا كثيرا
دي كانت بعض إجابات جمعتها من ناس اعرفهم
=========
الحب
=========
الرجوع الى الله
=========
الاخلاص
=========
تحمل المسئولية
=========
العدل
=========
الأمل
=========
دور المرأة
=========
الايجابية
=========
القدرة على الرفض
=============================
و سواء اختلفنا معهم ام لم نختلف
فهذا رأيهم لهم منا كل احترام و تقدير
و على فكرة مش شرط يكون لكل قيمة شخص
يعني في قيم قالها اكتر من شخص
أنا هجاوب على السؤال ده
بس من وجهة نظري البحتة
القيم إلي إحنا عاوزينها ودائما
اننا نضع هذا الشعار أمام أعيننا
"الله شاهدي ....الله ناظري...الله مطلع علي"
فقط ...نضعه أمام أعيننا وكل أمورنا تنصلح
وبالمناسبة على شعر حضرتك إلي فات
جميل جدا ...وخلينا نشوف شعر تاني ويكون أفضل
تحياني لكم
انا من رايي ان الاجابه هيه الاخلاق
الاخلاق بمعناها الشامل
الاخلاق بمعناها الحركي
بيتهيألي ان القيمة هي الأخلاص...الاخلاص في كل شئ...في الحب...حب كل شئ..الوطن..الام والاب....كمان اخلاص النية
السلام عليكم
عبد الرحمن
يعني ممكن نقول مراقبة الله في اعمالنا .. و لا ايه
و جزاكم الله خيرا على رأيك في الشعر
===================
أنا إنسان
طبعا حضرتك أول مرة تيجي المدونة و
ده شئ يشرفني حقيقي
بس اللي فهمته من كلام حضرتك اننا نبدأ بتفيذ الأخلاق في كل خطوة في حياتنا .. جميل فعلا
====================
صانعة الأحلام
ماشي جميل
الاخلاص و الحب مهمين اوي على فكرة
أنا هعتبر إن القيمة اللي انت بتقولي عليها دي شبه الواجب المنزلي كده
وكمان انت قولتي القيمة اللي محتاجينها على الأقل السنة دي يعني تكون هي الإنطلاقة لقيم و واجبات تانية جاية
بسم الله الرحمن الرحيم
الإجابة: نزع الخوف من الصدور
ملحوظة: نزع الخوف مما سوى الله تبارك و تعالى
ربنا معاكي
انا شايفة انها الرجوع لربنا وحب الخير....تحياتى لسؤالك الهايل
يمكن أكون مشتركه مع أحدهم
أصدي راي الأخلاق
فالرسول صلى الله عليه وسلم يقول إنما بعثت لأتمم مكارم الاخلاق فمن يهتم بتحسين خلقه دائما يكون قد حقق المراد من رسالة الإسلام
وتنعكس أخلاق المرء دوما على دينه فصاحب الخلق سريع العودة إلى الله
يخجل أن يعصي ربه وربه يراه
كما أن صاحب الخلق تجده ايجابيا يتحلى بالصدق ويتحرى العدل قادرا على تحمل المسؤليه
شجاعا لا يهاب في الحق لومة لائم
هذا رأي شخصي يحتمل الصواب و الخطأ
طبعا انا جايه متاخر بس معلش
انا سألت حد قالى
الانتماء
سواء للدين او للوطن
انتم عارفين ايه القيمه اللي ممكن تخلينا نتغير
هي اننا نحس بقيمه الحياه
وقيمه يعني ايه بني ادم
مش حيوان ياكل ويشرب ويتكاثر وخلاص
كتير مننا جه الدنيا ده
اسمه عادي
وعاش عادي
ومات عادي
بقي اسمه الثلاثي
عادي معادي العادي
اكيد لو بقينا مش عادي
اكيد لو حسينا بقيمه عقلنا
اكيد هنفكر
هنتغير
هنحسن نفسنا
ساعتها ممكن حالنا يتحسن
كان معكم
عادي معادي العادي
اللي نفسه ميبقاش عادي
بس للاسف
انا مش عارف اتغير
انا سالت ناس عندي في الجروب بتاعي علي الفيس بوك
وده كانت ردودهم حسب اسمائم علي الفيس بوك
Manora Mohamed
ok bas sorry ana mosh haynf3 ard 3alek l2n ana sha7`syn 7asa any bt3`yr ll asw2 mosh lla7sn wmosh adra a3ml aly y7`aleny at3`yr ll a7sn fana mosh ha2dr afeedk fe al so2aaal dh sorry
Hussam Rajab
الحاجة الى انت بتسال عليها يا اخ محمد الى هيها احترام الذات اولا لو احنا شعب احترم نفسه كل شعوب العالم ها تعملنا احترام كبير وها تخاف مننا بس للاسف احنا شعب غايب عنه احلى واكبر قوة فى العالم عايشين فى عالم المخدرات والبانجو والحشيش....... سوري فى اللفظ الى انا قلته بس انا من الى شايفه بقولك كده عشان انا فى كلية وما فيش كلام فى عقل الشباب غير تلات حاجات سوري يعنى البنات الفلوس الحشيش بس وده الى احنا عاوزين نعمله عاوزين نحترم نفسنا وعاوزين نعمل للشعب المصري مكانه فى وسط الغابة الى عايشين فيها يا ريت ادينا فى ادين بعض
Mahmoud Badrawy
elkeema heya en kol w7ed akeed gowah 7aga 7elwa laken mabyesta3`elhash yemken ykon elensan dah fanan bas magrabsh enoh ye3mel 7aga mathlan ya3ni moshkletna en gowana 7agat kteer 7elwa bas 2a3deen makana mabenet7araksh w mabentawarsh f nafsena........w howa dah ra2iee wana shayef en e7na belbaldi keda 3anadena el7`amat laken ma3andenash eldafe3 elkawee aw el7amasa f ta72ee2 ahdafna elmakboota.
Elary Moriss
الشهامه
هو ده كان رده بس
متهيالي انا جبت شويه اراء
وفي انتظار باقي الناس ان شاء الله
سألت بعض أصدقائي من جيراني الذين أثق برأيهم فكانت الاجابه
الطموح
الاخلاص
الايجابيه
وكان الاخلاص كان له نصيب الأسد من الاجابات
السلام عليكم
ها أنا أعود إليكم بعد غياب مش طويل أوي
بس المدونة وحشتني و حضراتكم كمان
أولا
أرسل تحية لأحد زملائي في القسم
اللي هوه
أنا مش عارف اتغير
لأنه من غير ما أطلب منه لأن طبعا احنا مش بنكلم بعض على الفاضي و المليان
هوه بأه سأل اللي عنده في الجروب
و قالي في القسم ان موريس ده من لبنان ففعلا جزاه الله خيرا
ثانيا في الرد اللي بعد ده ردود من ناس انا اعتبرها مهمة بالنسبة لي على الأقل
الدكتور أحمد وحيد
رئيس قسم المنتجات المعدنية و الحلي عندنا في الكلية اللي هوه قسمي
قال لي
الأمانة
بكل ما تحمله من معاني
مع النفس و الله و الآخرين
و بصراحة حكى لي كام موقف كده له أثناء سفره في الخارج أثروا معايا أوي
بس مش دلوقتي
الدكتور ماهر مهدي
دكتور اللغة الانجليزية عندنا في الكلية
قال لي
الأمل و الإيمان
الباشمهندس أحمد زكي
مدرس مساعد عندنا في القسم
قال لي رد لم اتوقعه منه بصراحة
مش لصعوبة الرد .. بس لتفكيره اللي لازم هكلمكم عنه مرة ان شاء الله
بس هوه قال لي
الإخلاص
زملاء لي في الكلية
طبعا هم ناس يتميزوا بأنهم اصحاب فكر اختلف معهم او اتفق لكنهم اصحاب فكر
==================
أفروديت
المعرفة بكل معانيها العلم و العلاقات الاجتماعية و معرفة الناس بدينها ايا كان و معرفة الانسان بقدراته و معرفته بهدفه
===================
صبا مختار
الإتقان
===================
أحمد سامي
الفهم و التنفيذ الصحيح للدين .. مش شرط اكون اتكلمت معاه مباشرة .. دي ملحوظة يعني
فرحم الله امرئ دفع الغيبة عن نفسه
ده رد بأه عظيم
يمكن خلاني اعيد التفكير مرة اخرى .. ليس التنحي عن الفكرة و لكن تظبيطها و التفكير فيها مرة اخرى
اننا لن نستطيع توحيد قيمة للمجتمع كله
و لكن يمكننا تقسيم المجتمع إلى مجتمعات صغيرة
فمجتمع الطلاب يحتاج قيمة
و مجتمع الموظفين يحتاج قيمة
و هكذا
ده اللي انا فهمته
أعتقد أنه قد آن الآوان
لأبدي رأئي
و ذلك لنبدأ من الأسبوع القادم بإذن الله الخطوة القادمة
و ليس رأئي هو الأصح و لا الأدق
بل لقد رأيت في آراء حضاراتكم
ما أثلج صدري حقا
و لا يمنع رأئي عدم إبداء آراء أخرى الموضوع مازال مفتوحا حتى الأسبوع القادم إن شاء الله تعالى
أنا أرى
أننا بحاجة للعديد من القيم التي نفتقدها
لكن إذا بدأنا مع هذا المجتمع الذي نحن جزء منه
فلنا أن نبدأ بالأمل
فنحن في أحلك أوقاتنا الآن
و قد كان صلى الله عليه و سلم
في أحلك أوقاتهم يتحلى بالأمل و يبثه في الصحابة بل و يكون أمل ليس له أي دليل مادي الآن
فمابالنا بوعود و شواهد ودلائل بين أيدينا
أعتقد نحن بحاجة للأضافة هذه القيمة و بثها في قلوبنا ثم عقولنا لتظهر على حركاتنا و تصرفاتنا و حتى سكوننا يبقى الأمل يشع منه
دعواتكم يا جماعة
أنا بحلم حلم
و كل ما أرجوه من الله أن يستخدمني في ذلك الحلم
و أن أظل محتفظة بحماسي و أملي تجاهه
اللهم آمين
Post a Comment