تجلى و ابتسم

فرغت أخيرا من أعمال كانت على عاتقي

و وجدتني اليوم أيضا استيقظت وحدي في 9,30 صباحا لأجد البيت هادئا و لأجدني ليس " وراي ميعاد " فلملمت سريري سريعا و قمت بتنظيف حجرتي

و فتحت الكمبيوتر لأرى ماذا يحدث في ايميلي حيث افتقده منذ أيام طويلة لا اراه

فوجدت أوف لاين يحمل الكثير من المعاني التي احتاج اليها

و وجدت ذلك النشيد

http://www.youtube.com/watch?v=FBXWYSfqBHA

و وجدت داخلي رغبة حقيقية في ان يكون رمضان هذا العام مختلفا عن كل السنين فهو في الاجازة ......... طب و ايه المشكلة السنة اللي فاتت برده كان في الاجازة

لا بس السنة دي اخدت خبرة من السنة اللي فاتت فلازم يكون مختلف

في عدة اتجاهات

1- علاقتك بربنا ... خليها اجمل

شوف مكنتش بتعمل ايه و اعمله

2- علاقتك باهلك ... خليهم يحسوا باختلافك

فكر في فكرة جديدة تعملوها

شنطة رمضان

حلقات على الفطار

صلاة قيام

زيارات خيرية و غيره

3- علاقتك بالمجتمع الخارجي ... خليك متواصل معاه

جيرانك .. حتى لو بطريقة غير مباشرة

شارك مع غيرك في الخير

او ابدأ أنت بالخير و خلي غيرك يشارك معاك

4- علاقتك بيك ... خلي نفسك تحس بحبك لها و اهتمامك بيها

ضع واجبات لنفسك تؤديها في رمضان

و اتفق معها على حقوق تأخذها ان ادت واجباتها

شوف هي محتاجة ايه و ابدأ بيه

أكد لها ان كل اللي فات هيخدمها و هيكون في مصلحتها

5- علاقتك باصحابك ... خلي مرايتك احسن منك

اهتم بيهم و شاركهم و اشركهم

انصحهم و اقف جنبهم

6- علاقتك بالعالم الخارجي ... اجعله يشعر بمكانته في فكرك و قلبك

تابع اخبار

و تذكر ان هناك من يحتفلون بشهر رمضان على ضوء القنابل و اضواء الاباتشي

و اعلم ان في وقت افطارك

هناك من يدعو لك في فلسطين

و يفرح لفرحك و انت في اي بلد اخرى

فبادله الشعور

و احسن اخوتك معه

شوف بقى

كل ده هيتم ان شاء الله في حالة

وجود :-

1- خلوة بنفسك و ترتيب افكارك و كتابة الواجبات و الحقوق

2- صحبة صالحة تعينك حتى لو فرد واحد

3- استعانة قوية بالله تعالى

4- ترتيب و تحديد واضح لما ستقوم به ان شاء الله من خطوات

5- تدريب مستمر على ما ستقوم به من اعمال و الاحتفاظ بنية طيبة لهذه الاعمال

و تذكر ....................انه

لما لا اختلف ؟؟؟؟؟؟؟؟

لما لا اجرب رمضانا محتلفا ؟؟؟؟؟؟؟؟؟؟؟؟؟؟

الكون كله يختلف في رمضان ............ لما اظل انا.... ؟؟؟؟؟؟؟؟؟؟؟؟؟؟؟؟؟